Assassin History

دریں اثنا حشیشیین کی شامی شاخ عملا ایک خود مختار تنظیم بن گئی۔ انہوں نے مرضی کے مطابق اور حتی کہ معاوضہ قتل گری کا سلسلہ جاری رکھا۔ وہ شام میں صلیبیوں کے ساتھ متواتر رابطے میں تھے، اور ہمیشہ ہی ان کے دشمن نہ رہے۔ اگر مشترکہ مسلمان دشمنوں کے خلاف اپنی حیثیت برقرار رکھنے کے لیے انہیں صلیبیوں کے ساتھ مل کر لڑنا موزوں لگتا تو وہ ضرور ایسا کرتے۔ یہی حشیشیین نائٹس ٹمپلر کے ساتھ براہ راست ملوث تھے، اور ایک دور میں انہیں براہ راست فوجی حملے سے بچنے کے لیے 2،000 طلائی اشرفیاں سالانہ دیتے رہے۔ انجام کار تیر ہویں صدی کے وسط میں منگولوں نے حشیشیین کو شکست دی۔ تاہم، وہ مکمل طور پر ختم نہ ہوئے؛ اپنے اثر ورسوخ کی دو صدیوں میں وہ زیادہ تر مہذب دنیا میں پھیل گئے تھے، بشمول ہندوستان اور جنوبی روس کے۔ حشیشیین کا نام متروک ہو جانے کے باجود نزاری (جو کھوجا بھی کہلاتے ہیں) آج بھی ایک چھوٹا سا اسماعیلی فرقہ ہیں جن کا روحانی (اور کچھ حد تک دنیاوی) راہنما آغا خان ہے۔